Opningstider for kveldskøyring

• Tysdag og torsdag: kl. 15.30–20.00
• Fredag: kl. 15.30–21.00

Med atterhald om vêr og føreforhold. Frå 15. januar - 20. mars startar kveldskøyring frå kl. 16:00. Siste kveldskøyring er tysdag 31. mars.

Følg med på vêr og føremeldingar for oppdatert informasjon om kva løyper og heiser som er opne. 

Skikort for kveldskøyring

Du kan velja mellom eige kveldskort, eller kombinera med dag + kveldskort. Har du sesongkort, er kveldskøyring inkludert. Studentar får eigen pris på kveldskort, og born under 7 år køyrer gratis (men treng keycard).

Skiheisar og løyper

Under kveldskøyring er fleire heisar i drift, inkludert gondolen, Bavallsekspressen, Tråstølsekspressen, og fleire barneheisar. Løypene som er opne inkluderer blant anna Familieløypa (løype 8) , Alphaløypa (løype 6) og Storslalåmløypa (løype 7) og Slettafjell (løype 16).

Trollbakken (løype 4) er eit barneområdet på Hangurstoppen, rett foran Hangurstoppen Restaurant. Det er difor kort avstand til både servering og toalettfasilitetar. Trollbakken har svak helling og eit 65 meter langt skiband med takoverbygg. 

Grebbesbakken (løype 12) ligg i Bavallen og er gratis. Her kan barna få både ein tidleg og trygg start på ski. Det 50 meter lange skibandet har ei svak helling, og er lett å koma seg av og på. Her er det heilt idéelt for dei minste å trena seg til å bli flinke på ski, både på langrenn og alpint. Bakken vert også brukt av vaksne nybyrjarar som vil ha ein forsiktig start. 

Sjå vårt løypekart (PDF 0,1MB)

Mattilbod under kveldskøyring

Etter ei aktiv økt i bakken kan du ta ein velfortent pause på Hangurstoppen Restaurant, som held ope med ein smakfull Grab & Go-meny frå kl. 16.30. Her får du varm suppe, fjellplanke og pizza – perfekt for å fylle på energien. I tillegg er Storastovo Varmestovo open med kioskprodukt.

Sjå opningstida for kveldskøyring under Skianlegg